Die Trust is ’n geregistreerde openbare weldaads organisasie, wat sy lede ondersteun wanneer hulle in verband met hulle tuisonderwys met die owerheid in konflik kom. Die Trust beskerm die regte van sy lede om die tipe onderwys te kies wat in hul kinders se beste belang sal wees.

As ’n lid oor sy tuisonderwys in botsing kom met die onderwysdepartement, welsyn of polisie, skakel die lid dadelik die noodnommer van die Trust. Lede ontvang die noodnommer saam met hulle ledepakket wanneer hulle lidmaatskap geaktiveer word. Die Trust verskaf dan individuele ondersteuning aan die gesin.

Nee. Sommige van ons lede is geregistreer, maar die meerderheid is nie geregistreer nie. Volgens die wet (SA Skolewet 84 van 1996, art 51) is jy verplig om te registreer. Bestudeer die registrasievereistes en die Beleid op Tuisonderwys sorgvuldig om te verseker dat jy jou kind se reg op onderwys beskerm en in jou kind se beste belange optree, sodat jy nie in konflik kom met die vereistes van die Kinderwetas jy sou registreer nie. Kontak ons vir verdere inligting.

Jy sluit aanlyn op ons webblad aan. Die ledefooi is R1,200 per gesin per jaar. As jy aansluit voor jy jou kinders uit die skool haal, of binne 3 maande nadat jy hulle uit die skool gehaal het, betaal jy die afslagfooi van R1,080 per gesin per jaar.

LET WEL: Bestaande lede, wat betyds hernu (voor hulle lidmaatskap verval), bly op die ledefooi waarop hulle aangesluit het. Hulle betaal dus niedie verhoogde ledefooi in die toekoms nie. Die ledetydperk strek oor 12 maande, vanaf die aansluitingsdatum (byvoorbeeld van 1 Desember 2020) tot 12 maande daarna (byvoorbeeld tot 1 Desember 2021). Jy mag eenmalig,of per maandelikse aftrekorder betaal.

Die Trustees kan ’n aansoek afkeur sonder om hul redes daarvoor te verduidelik. ’n Aansoek word egter selde onder die volgende omstandighede afgekeur:

• indien die leerders in hul eie huise onderwys ontvang;
• indien die vorm volledig voltooi en onderteken is, en ons die korrekte betaling vir ledefooi ontvang het;
• indien die leerders onder die ouers se toesig is wanneer nodig, en nie sonder volwasse toesig alleen tuis gelaat word nie;
• indien dit duidelik is dat die ouers sorg dra dat die kinders ‘n opvoeding ontvang en indien die ouers self aktief betrokke is daarby;
• indien daar nog geen regsgeding teen die ouers se tuisonderwys of teen enigeen wat daarmee gemoeid is, ingebring is nie, of as die gesin nog nie met so ‘n regsgeding gedreig is, of deur enige skool- of onderwysamptenaar, maatskaplike werker of enige ander regeringsamptenaar gekontak is aangaande die kinders, die gesin se tuisonderwys of die kinders se afwesigheid van ‘n skool nie; en
• indiendie gesin nog nie in verband met kindermishandeling of -verwaarlosing of verwante aanklagte ondersoek of aangekla is nie.

Nee, die Trust skryf nie aan sy lede voor watter kurrikulum of benadering om te volg nie. Lede van die Trust gebruik ‘n wye verskeidenheid kurrikulums en onderwysbenaderings. Dit is ouers se verantwoordelikheid om te besluit wat die beste kurrikulum of benadering vir hul kinders sal wees.

Jy kan dit doen, maar die kinders sal NIE tuisonderwys ontvang nie. Tuisonderwys word in die wet omskryf as onderwys by die kind se eie huis. As ’n kind dus buite sy huisonderwys ontvang, is hy nie in tuisonderwys nie. Jy sal dan ‘n klein onafhanklike skool bedryf, wat volgens die wet as onafhanklike skool geregistreer moet wees om wettig bedryf te kan word.